Городской фестиваль-конкурс “Пичи чеберайёс но батыръёс”

Туннэ нош ик пичи чеберайёсын но батыръёсын пумиськылӥ. Можга карысь удмурт кылэз дышетӥсь пиналъёс аспӧртэмлыко вожвылъяськонэ пыриськизы, кырӟаса но кылбураса учкисьлэсь мылкыдзэ лӧптытӥзы.

“Октябрь” лулчеберетъя юртлэн сцена вылаз 12 шӧртчи пиос но 12 муспотон нылъёс асьсэ семьязы сярысь веразы. Тодӥмы, кинлэн песятаез Быдӟым Атыкай ожын шаермес утиз, кинлэн агаез армиын службазэ ортче, нош кинлэн ӵыжы-выжыез нимысьтыз ожгар операцие пыриське. Собере покчиос кырӟаны, эктыны, кылбураны, суредаськыны быгатэмзэс возьматӥзы.

Пӧртэм вожвылъяськонъёсты ортчемзы бере, ми, жюрилэн ёзчиосыз, вормисьёсты шараям. Та уж туж секыт вал, угось чебер удмурт дӥсенызы но жингрес куараосынызы ваньзы ик синмаськытыны быгатӥзы. Тужгес но устоен асьсэзыс 20-тӥ нылпи садысь покчиос но 6-тӥ школаысь дышетскисьёс возьматӥзы. “Можга Батыр” нимын Васильев Тимофей но Кутузов Максим пусъемын, нош “Можга Чеберай” нимез Фёдорова Виктория но Анисимова Сафия басьтӥзы. Табере соос элькун конкурсэ пыриськозы. Отын но мед удалтоз